మీరు చేసే పని ఏమిటి? -- మీ అభిమాన నాయకునికి ప్రశ్న

సామాజిక శాస్త్రంలో మొదటిమాట "పరిసరాల పరిశుభ్రత" -- అది చేసే వాళ్ళు, తాము ఈ సమాజంలో పనికిమాలిన పని చేస్తున్నాం అని, మెమే అందరికంటే తక్కువస్థాయిలో వున్నాం అని భావిస్తున్నారు.
చెప్పులు కుడుతూ చచ్చిన జీవులను దహనం చేసి, సమాజానికి రోగాలను దూరం చేస్తూ, మనుషుల పాదాలకు రక్షణ ఇచ్ఛే పని కూడా పనికిమాలినది అని మానేశారు.
జుట్టు కత్తిరించి, గోళ్లు తీసి ప్రతి మనిషిని సమాజంలో అందంగా చూపించే వాళ్ళూ, ఎందుకొచ్చిన తలనొప్పి అంటున్నారు.
వడ్రంగి పని చేస్తూ ప్రతి ఇంటి ముఖద్వారాలను అందంగా తీర్చిన వాళ్ళూ తమ పని ఎందుకూ పనికిరాదు అంటున్నారు.
పొలాలకు కాపుకాచి పంట వార్చి ఇంటికి తెచ్చే వాళ్ళూ మేము చాలా తక్కువ పని చేస్తున్నాం, ఇక ఎప్పటికీ ఈ పని చేయం అంటున్నారు.
పొలాలు దుక్కి దున్ని, పంట వేసి, నీరు పెట్టి, పండించే వాళ్ళూ ఇక లాభం లేదు, ఈ పని ఎవరికోసం అంటున్నారు.
దేవుడికి పూజ చేసి, సమాజానికి స్వాంతన కలిగించే వాళ్ళూ మాకెవ్వరు దిక్కు అంటున్నారు.
కర్మాగారాలలో పని చేసే కార్మికులూ దీనికంటే వేరే ఏ పని అయినా మంచిదేమో అని భావిస్తున్నారు.
శారీరక శ్రమ చేసే ప్రతి మనిషి తన ఆలోచనలతో అలిసి పోతూవుంటే,తాము చేసే పని ఏమిటో తెలియని రాజకీయ నాయకులు మాత్రం మేము చేసిందే పని, మెమే గొప్ప అంటున్నారు.

ప్రజలారా -- ఈ సారి అవకాశం వస్తే, మీరు అభిమానించే నాయకుడిని అడగండి -- "మీరు చేసే పని ఏమిటి?" అని
ఇట్లు -- మీ రాజా